Adroddiad Llawn ar gyfer Adeiladau Rhestredig
Ni fwriadwyd i'r disgrifiad rhestr fod yn rhestr gyflawn o'r hyn a restrir; ei nod pennaf yw cynorthwyo'r broses o adnabod. Yn ol y gyfraith, mae'r diffiniad o adeilad rhestredig yn cynnwys yr adeilad cyfan ac (i) unrhyw strwythur neu wrthrych sydd ynghlwm wrth yr adeilad hwnnw ac sy'n ategol iddo a (ii) unrhyw strwythur neu wrthrych arall sy'n ffurfio rhan o'r tir ac sydd wedi gwneud hynny ers cyn 1 Gorffenaf 1948, ac a oedd o fewn cwrtil yr adeilad, neu'n ategol iddo, ar y dyddiad y cafodd y cyfryw adeilad ei gynnwys gyntaf ar y rhestr, neu ar 1 Ionawr 1969, pa un bynnag oedd hwyraf.
Disgrifiad Cryno
Rhif Cyfeirnod
87815
Rhif yr Adeilad
Gradd
II
Statws
Dyddiad Dynodi
17/12/2020
Dyddiad Diwygio
Enw
Beudy yn Fferm Pen-y-Graig
Cyfeiriad
Lleoliad
Awdurdod Unedol
Sir Ddinbych
Cymuned
Llanfair Dyffryn Clwyd
Tref
Ruthin
Ardal
Pentre-celyn
Dwyreiniad
313136
Gogleddiad
352658
Ochr o'r Stryd
Lleoliad
Ar ochr dde-orllewinol y ffermdy.
Disgrifiad
Dosbarthiad bras
Amaethyddiaeth a Chynhaliaeth
Cyfnod
Fictoraidd
Cyfnod
Beudy o'r bedwaredd ganrif ar bymtheg a adeiladwyd yn ail hanner y ganrif honno ac a ddangoswyd gyntaf ar fap Arolwg Ordnans 1880. Ychwanegwyd rhes gyfochrog at y cefn ar ôl 1945. Yn wreiddiol, roedd y beudy'n hirach, ond cafodd y pen deheuol ei ddymchwel, tua diwedd yr ugeinfed ganrif mae'n debyg.
Tu allan
Beudy â llofft wedi'i adeiladu o rwbel calchfaen wedi'i gloddio'n lleol o dan do llechi, ac agoriadau o dan linteli pren. Yn wynebu'r iard i'r dwyrain mae 3 drws uchder llawn, a rhyngddynt mae ffenestri â fframiau metel wedi'u mewnosod mewn agoriadau gwreiddiol. Yn y talcen chwith (deheuol) mae wal isel o ran o'r adeilad a gafodd ei ddymchwel, ac yn y talcen mae ffenestr â ffrâm fetel mewn agoriad gwreiddiol. Mae brics yn amgylchynu ffenestr llofft debyg yn y talcen gogleddol. Mae'r rhes gyfochrog yn y cefn wedi'i hadeiladu â brics gyda choncrid nadd, o dan do o ddalenni sment asbestos rhychiog. Yn y wal orllewinol mae 3 bwlch drws uchder llawn gyda drysau astellog wedi'u rhannu. Yn y talcen deheuol mae drws astellog ac mae ffenestr llofft yn y ddau dalcen.
Tu mewn
Yn y rhes wreiddiol mae un trawst gyda thynlath wedi'i llifio a phwyslathau ar oleddf.
Rheswm dros Ddynodi
Rhestrwyd fel adeilad fferm o'r bedwaredd ganrif ar bymtheg sy'n cadw cymeriad cynnar, ac am werth grŵp gyda'r ffermdy ac eitemau rhestredig cysylltiedig eraill, gan gyfrannu at ddatblygiad sylweddol y fferm yn y bedwaredd ganrif ar bymtheg.
Cadw : Adroddiad Llawn ar gyfer Adeiladau Rhestredig [ Cofnodion 1 of 1 ]
Allforio